Tel: (01766) 522 071 | Ebost: amgueddfalloydgeorge@gwynedd.llyw.cymru
Mae ymweliad ag Amgueddfa Lloyd George yn fwy nag ymweliad â'r Amgueddfa yn unig. Mae’n gyfle i gamu’n ôl mewn amser dros drothwy Highgate, y bwthyn lle magwyd Lloyd George, i gerdded drwy’r ardd lle tyfai llysiau ac mae cyfle i fyfyrio ar eich ymweliad â glannau afon Dwyfor, ger y fan y penderfynodd Lloyd George fod yn orphwysfa olaf iddo.
Darganfyddwch arddangosfa unigryw o wrthrychau sy'n adrodd hanes mab cyffredin a ddaeth yn brif weinidog. Fe welwch arteffactau fel casgedi a sgroliau addurnedig ac unigryw a gyflwynwyd iddo fel anrhydeddau dinesig, megis y model arian trawiadol o Gastell Cricieth, a gyflwynwyd iddo gan y dref.
Edrychwn ymlaen at eich croesawu!
Dysgwch sut daeth Lloyd George i sylw cenedlaethol oherwydd giât gaeedig yn Llanfrothen a pham bod Lloyd George wedi gwisgo fel gwas yr heddlu i ddianc rhag torf blin yn Birmingham.
"Mae hon yn amgueddfa fach ardderchog, mae'n fach o faint yn gorwedd y cyfoeth o wybodaeth a gyflwynir yn dda yn yr arddangosion.
Fydd hi ddim yn apelio at bawb, ond os oes gennych chi ddiddordeb yn hanes y wlad hon neu'n fwy penodol yn Lloyd George, yna mi faswn i'n argymell ymweliad yn gryf."
"Mae prif bwyntiau bywyd Lloyd-George yn cael eu harddangos. Cawsom fwynhau hen ystafell yr ysgol a'r holl eitemau amrywiol yn cael eu harddangos. Fedrwch ymweld â cartref plentyndod Lloyd-George- taith gerdded fer iawn o'r amgueddfa. Unwaith eto, fe wnaethon ni fwynhau bod y tu mewn i'w hen gartref yn fawr iawn. Bydd taith gerdded fer arall yn mynd â chi i'w fedd ger yr afon.
Cefais fy synnu gan gymaint wnes i fwynhau'r amgueddfa."
"Gwybodaeth manwl iawn am Lloyd George. Hawdd dilyn llinell amser a gwybodaeth dda iawn am ei gyflawniadau.
Staff gwych. Llawn angerdd i drosglwyddo eu gwybodaeth.
Amgueddfa ragorol."